【坐月小百科】產後要飲代茶忌飲水

點解產後唔飲得白開水？

媽媽產後體虛脾弱，而白開水屬寒涼，亦會增加患上胃脹、尿頻、腳水腫的機會，所以坐月期間不宜飲用。媽媽應該「以茶代水」，代茶(炒米茶)較正氣祛寒，同時可加強新陳代謝，建議媽媽飲用代茶至滿月以幫助身體復元。

炒米茶點整點飲係最好？

把米加進白鑊炒至金黃色備用，切記要存放於陰涼乾爽的地方。每次可以取適量已炒過的米，加入清水和可用材料，煲20-30分鐘或焗45分鐘。

階段	性質	可用材料 (按朝數逐漸加入)
第一週	健脾、行氣	紅白炒米、陳皮
第二週	安神、桂圓補氣血、杞子補肝腎	紅白炒米、陳皮、桂圓、杞子
第三週	南棗補而不燥，薑則驅寒	紅白炒米、陳皮、桂圓、杞子、南棗、薑
第四週 至坐完月	北芪黨參助提氣、生津養血、黑豆通乳	紅白炒米、陳皮、桂圓、杞子、南棗、薑、北芪、黨蔘 另可加黑豆，幫助母乳餵哺的媽媽上奶，黑豆亦有助清除惡露和幫助子官收縮